Orig. autographe. – B. R. Fonds Béthune, Ms. 8845, fol. 29 recto.
Monseigneur, Envoyant monsr le mareschal de Biron vers Vostre Majesté, le sr de la Chevalerie, present porteur, vous fera entendre l’estat des affaires de ce pays. Je n’ay voulu faillir de vous escrire ceste-cy pour vous dire que je vous enverray, aprés ce dict porteur, ung de mes gentilshommes par lequel vous entendrés ce qui est de mon particulier et du general[1], et que je ne desire rien tant qu’à vous faire paroistre la bonne volonté et affection que j’ay à l’execution de l’edict de pacification en mon gouvernement, et vous rendre en cela et en toute aultre chose la trez humble et parfaicte obeissance que vous sçauriez attendre de
HENRY.
Monseigneur, le dict sr de la Chevalerie vous fera entendre des particularitez du sr de Lavardin, auquel je vous supplie trez humblement vouloir estre favorable.
- ↑ « Avec peu de resolutions, mais toutes adroictes, et jointes à une prompte vivacité, il temoignoit de reverer les commandemens du Roy, et soignoit par mesme moyen à ses propres interests avec telle industrie, qu’en une si grande necessité de choses elle se rendoit recommandable aux hommes de bon sens. » (Davila, Histoire des guerres civiles de France, l. VI.)