Orig. – Arch. de la famille Forget de Fresne. Communication de M. le chevalier Artaud de Montor, membre de l’Institut, allié de la famille Forget.
À FORGET,
Forget, Je vous ay escript combien je trouvoy estrange d’estre si mal traicté que de n’avoir peu avoir aucune assignation de ma pension de ceste année, combien qu’elle ne soit d’aultre nature que les aultres, comme je vous ay mandé, et qu’il y a en oultre des considerations pour mon regard qui sont en peu d’aultres. Ce qui me faict vous prier de m’esclarcir par le retour du sieur de Fonlebon[1], present porteur, de ce que j’en puis et dois attendre. Je vous ay donné charge de quelques aultres expeditions par mes dernieres et precedentes lettres, lesquelles vous poursuyvrez pareillement ; de sorte, s’il est possible, qu’il les me puisse rapporter. Et pour la confyance que j’ay du soing, zele et fidelité que vous apportez au bien de mes affaires, je ne vous en diray davantage, m’asseurant bien que vous en ferez tout debvoir, si ce n’est pour prier Dieu vour tenir, Forget, en sa trés saincte et digne garde. De Pau, ce ixe juing 1579.
HENRY.
- ↑ Charles de Fontlebon, fils de Jean de Fontlebon, l’un des cent gentilshommes de l’hôtel du Roi, et de Marguerite Renaud, était premier écuyer de la grande écurie du roi de Navarre. Il avait épousé Charlotte de Saint-Gelais, dont il n’eut pas d’enfants. (B. R. cabinet généalogique.)