Orig. — Arch. de M. le comte H. C. de Meslon. Envoi de M. le secrétaire général du département de la Gironde.
À MONSR DE MESLON,
Monsr Meslon, J’ay faict avec monsr le mareschal de Matignon tant, qu’il a signé un estat du payement des garnisons de toutes les villes des seuretez pour troys moys, où cestuy-cy de mars est comprins ; et je ne m’esloigne poinct tellement que je ne donne ordre que vous soyez payé pour l’advenir au temps et à la commodité, estant bien ayse que ces deux mois ayent esté payez. Ce qui ne se peut faire sans difficultez, où il y a mauvaise volonté. Dont je ne fauldray toutesfois de me rendre soigneux, et en parleray au dict sr marescbal, comme aussy des procedures de messrs de la court de la justice, ausquelz aussy j’en refereray. Au demeurant je m’asseure tellement de vostre vigilance, fidelité et bonne affection, que vous vous guarantirez des effectz et entreprinses dont vous estes menacé ; priant Dieu vous conserver et vous donner, Monsr Meslon, sa faveur et assistance. De St Jehan d’Angelly, ce xe jour de mars 1582.