Recueil des lettres missives de Henri IV/1583/12 mars ― À mon cousin monsieur de Matignon

◄

précédente

Henri IV Lettres missives 1583

suivante

►

1583. — 12 mars.

Orig. — B. B. Fonds Béthune, Ms. 8854, fol. 81 recto.

À MON COUSIN MONS^R DE MATIGNON,

MARESCHAL DE FRANCE.

Mon Cousin, On apporte une extresme longueur au payement de ce qui est deu à mes gardes. Tantost le recepveur Pichon s’escuse sur mess^rs les generaulx, et tantost ils se deschargent sur luy. Bref ce ne sont que remises. Je vous prie, mon Cousin, rendre la peine de leur en parler, afin qu’il y soit satisfaict ; et excuses si je vous en escris priveement, estant chose que j’affectionne beaucoup. Et sur ce, je prie Dieu, mon Cousin, vous avoir en sa trez saincte et digne garde.

Escript à Nerac, ce xij^e de mars 1583.

Vostre plus affectionné cousin et amy,

HENRY.