Recueil des lettres missives de Henri IV/1583/5 octobre ― À monsieur de Scorbiac

◄

précédente

Henri IV Lettres missives 1583

suivante

►

1583. — 5 octobre. — II^me.

Orig. — Arch. de M. le baron de Scorbiac, à Montauban. Copie transmise par M. Gustave de Clausade, correspondant du ministère de l’Instruction publique.

À MONS^R DE SCORBIAC,

CONSEILLER DU ROY MON SEIGNEUR, EN SA COURT DE PARLEMENT DE THOULOUSE ET CHAMBRE DE L’EDICT ESTABLIE À LISLE.

Mons^r de Scorbiac, Le capitaine Us s’en allant par delà pour la vuidange de certain procez qu’il a pendant par devant vous contre un nommé Fortis de la Forcade, je vous ay bien voulu faire ce mot pour vous prier luy conserver son bon droict, et luy administrer bonne et brefve justice. J’ay tant d’asseurance de vostre bonne volonté en tout ce qui vous sera recommandé de ma part, que maintenant vous m’en ferés cognoistre les effects. Ce que me promettant de vous, ne vous en diray davantage, pour prier Dieu, Mons^r de Scorbiac, vous avoir en sa saincte et digne garde. De Pau, ce v^e jour d’octobre 1583.

Vostre bien bon amy,

HENRY.