Recueil des lettres missives de Henri IV/1583/Vers le 10 avril ― À mon cousin monsieur de Matignon

◄

précédente

Henri IV Lettres missives 1583

suivante

►

[1583. — vers le 10 avril.]

Orig. autographe. — B. R. Fonds Béthune, Ms. 8828, fol. 29 recto.

Cop. — B. R. Suppl. fr. Ms. 1009-4.

À MON COUSIN MONS^R DE MATIGNON,

MARESCHAL DE FRANCE.

Mon Cousin, Oultre l’asseurance que me donnastes à vostre depart de me faire toucher les cent mille livres de Perigueux, le s^r de Revignan m’a confirmé le soing et souvenance que vous en avez ; dont je vous mercie. J’entends toutesfois que le receveur Bonaud faict tout ce qu’il peult pour les toucher ; ce que je treuve bien estrange. Qui me faict vous prier de l’en empescher, et que le s^r de Gourgue, ne ceux de sa compagnie, n’en ordonnent autrement à mon prejudice. Au demeurant je vous advise que, ennuyé de ma diete et de garder la chambre si longuement comme j’ay faict, j’ai deliberé de prendre l’air deux ou trois jours ; de quoy je me treuve bien. Touttefois j’espere estre demain de retour à Nerac, où je seray fort ayse d’entendre de vos nouvelles : vous priant de m’en mander, comme à celuy qui les recevra avec la mesme affection que vous sçauriés desirer de

Vostre bien affectionné cousin et meilleur amy,

HENRY.