Orig. — Arch. de la commune de Capbreton. Copie transmise par M. le préfet des Landes.
Messrs, Le capitaine du Lac[2], present porteur, s’en allant par devers vous, j’ay bien voulu faire la presente pour vous asseurer de plus en plus de mon amityé et bonne volonté en vostre endroict, ainsy que je luy ay commandé vous tesmoigner de ma part. Aussy s’il survenoyt quelque chose qui meritast que j’en fusse adverty, et en quoy vous pensiez que je vous puisse faire plaisir, croyez que ce sera de bon cœur ; et ne faudra que bailler vos lettres audict du Lac, qui me les fera tenir surement, l’ayant envoyé en vos quartiers pour veiller et avoyr l’œil à la conservation de mon port d’Albret et ce qui en deppend. À quoy je yous prie luy tenir la main, et faire en sorte que toutes choses ayent la fin que je desire. Ce que me promettant de vous, je ne vous en diray davantage, pour prier Dieu vous avoir, Messrs, en sa saincte et digne garde. De Lisle-Jourdain, ce iiije jour de juin 1584.
- ↑ La suscription manque ; mais le dépôt d’où provient la lettre indique suffisamment qu’elle a été adressée aux magistrats municipaux de Capbreton, bourg des Landes, situé à quatre lieues de Bayonne.
- ↑ Bertrand du Lac, seigneur de Boutenac, au diocèse de Narbonne, fils de Jacques du Lac et de Beatrix de Moncla. Il vivait encore en 1607.