Thresor de la langue françoise/Artillerie
Artillerie, f. penac. Est vn mot general à tous autres instruments de guerre, dont l’on vse tant en offendant qu’en deffendant, hors l’espée, dague, bocquier & harnois du corps de l’homme. Par ainsi tout instrument de trait, soit de feu ou autre, est entendu sous ce mot. Nicole Gilles en la Chronique de Charles VII. parlant des compositions de guerre guerroyable, dont en iceluy temps vsoient les Francois & Anglois les vns enuers les autres : Et apres ce, s’ils ne vouloient demeurer, on les faisoit conduire, eux & leurs biens seurement, iusques aux lieux declarez & limitez en la composition ; combien que iamais ne remportoient grosse Artillerie, mais seulement Arcs, & couleurines à main, & si promettoient communement de non plus s’armer contre la Couronne de France.
Artillerie cardinale entre gens de mer, est vne piece de fonte de gros qualibre, Tormenta igniuoma, Res machinaria. B. Aenea tormenta.
Maistre de l’artillerie, Præfectus machinariorum, vel rei machinariæ. Tirer de l’Artillerie, Ænea tormenta displodere.