Thresor de la langue françoise/Aulnaye
(2, p. 59).
Aulnaye, ou (& mieux) Aunaye, sans la lettre l. Car le François és mots qu'il forme du Latin, change laditte lettre l. en v. quand elle suit & adhere à l'vne de ces voyeles, a. e. o. De sorte que apres laditte mutation faitte, ladite lettre l. y est superflue, comma de Altus, Haut, de Alnus, Aune, de Pellis, Peau, qu'il prononce par diphtongue, de Mollis, Mou. f. penac. est vne touffe d'aunes. Tout ainsi que sausaye, chesnaye, ormaye, vne touffe de sauls, chesnes, ormes, ou bien le lieu, où grand nombre d'aunes, est plantée. Alnetum, à la façon de Quercetum, Salicetum.