Thresor de la langue françoise/Timon
Timon, m. acut. Est en cas de chariots, ce qui tient en estat le corps de la charrete ou chariot en tirant, Temo, qui est dit à tenendo, comme aucuns escriuent. Mais les charrons veulent dire que le timon n'est piece de charrete ou autre espece de harnois à limons, ains de coches & chariots à fleche, laquelle est ce qu'on appelle Timon. Ouide au 2. liu. des Metamorph. descriuant le chariot de Phaëthon, dit ainsi : Aureus axis erat, temo aureus aurea summæ curuatura rotæ. Ce que Marot a traduit en ces mots : Dor fut l'aisseul, d'or luisant tout autour. Les deux limons, d'or estoit le haut tour, De chaque rouë, qui est au contraire du dire desdits charrons, & Marot à raison d'ainsi l'auoir traduict. Car tout de mesme que le timon d'vn bateau est la piece auec laquelle on gouuerne, meut & contourne le bateau, on gouuerne aussi & tire on la charrete par les limons. Timon ou Temon se prend en outre pour le gouuernail d'vn vaisseau de mer & d'eau doulce, Clauus, Et selon ceste signification, on dit de celuy qui a la surintendance d'vne ville : Il tient ou a en sa main le temon, Clauum Reipub. manu tenet.
Timon d'vn nauire, Gubernaculum, Clauus, voyez Boiste de gouuernail.