Le Mespris de la vie et consolation contre la mort/« Presupposes, mortel, quant l’esclairante flame »
Apparence
Le Mespris de la vie et consolation contre la mort
XXV.
Presupposes, mortel, quant l’esclairante flame
De tes jours sera morte, Epicure pourceau
Que rien ne te survive, & que mesme tombeau
Que l'on prepare au cors, soit preparé à l'ame :
Et quant la froide mort deuvidera la trame
De tes jours passagers, qu'autre monde plus beau,
Autre estat, autre lieu, autre pays nouveau
Ne te sera donné sous la muette lame :
Presupposes, mortel, que ce que l'on te dit
De la vie ETERNELLE, est un contre à crédit,
Niant du tout la cause, & premiere, & seconde :
Si ne devrois tu pas de la mort avoir peur
Quant elle ne feroit, pour finit ton mal-heur
Seulement que te mettre hors des peines du monde.