Le Mespris de la vie et consolation contre la mort/« Quant tu voudras choisir une forme meilleure »
Le Mespris de la vie et consolation contre la mort
CLIIII.
Quant tu voudras choisir une forme meilleure
De vivre selon DIEU, execute soudain
La resolution d'un si sage dessein,
Et ne differes point jusqu'a tant que tu meure.
Du futur inconneu la naissance n'est seure,
Et me semble à tout coup eschapper de la main,
De l'espiante mort du jour au lendemain,
Quant je puis alonger mon heure d'un quart d'heure
Pense & fais tout ensemble, & ne vas imitant
Le rusticque grossier, qui mal-habile attend
Jusqu'à ce que le flus des rivieres distille
Mais la riviere coule, & coulera tousjours
Et luy verra plustost le terme de ses jours
Que le restaurement de son àge inutile.