◄ Laisse CCCCLIV | Laisse CCCCLV | Laisse CCCCLVI ► |
CCCCLV[1]
De par tote la ville en alla la novelle
Qe la gient Saracine par defors s’atropelle
Qe vient de Pampalonie ; Folqenor les capdelle,
E sunt bien .xiim. de cele gient miselle.
Plus tost que valetons non torne sa maselle,
Quant l’enqiert de beiser o dame o damoiselle,
S’armerent nostre gient e monterent en selle
Brandiscant celes lances ; caschuns s’an renovelle ;
Plus desirent bataile qe sparvier tortorelle.
Rollant proia Trepins e Filidés apelle :
En mié leu dou palés, dedanz une tinelle,
Batiça le Paiens ; n’i oit autre capelle.
Oliver l’en redrece amont por la leselle.