◄ Laisse CLXXXVII | Laisse CLXXXVIII | Laisse CLXXXIX ► |
Dau rois a pris congié Rollant, si veit dormir ;
Son eschüer apelle qe mielç le soit servir.
« AmisTeris », dist il, « aleç tantost a dir
« As conestables qe se dolent garnir
« Da mie nuit. Quand oïront bondir
« Mon olifant, n’i oit fors qe a ceval sailir.
« Si le feites Hestos et a Oliver sentir
« Qe cevalcer entend avant jor sens failir.
— Sire », ce dist Teris ; « ne avrai fors qe fornir. »
Le senetor de Rome est aleç a çeisir,
E Teris son comand est aleç a fornir,
Qe il s’apareilisent de lor signor seguir
Qe voldra chevaucher avant li esclarir.
La poüsés veoir mant vasaus esjoïr,
Maudir la longue nuit e duremant haïr,
Tard lor semble li termne qe il soient al ferir.
Si feite gent poit bien le grand honor conquir
Qe sevent maus repois a le besoing fuïr.