50%.png

Chanson (Pierre de Ronsard)

La bibliothèque libre.
Sauter à la navigation Sauter à la recherche
Pierre de Ronsard Second livre des Amours

Chanson (Pierre de Ronsard)

Le printemps n'a point tant de fleurs,
L'autonne tant de raisins meurs,
L'esté tant de chaleurs halées,
L'hyver tant de froides gelées,
Ny la mer a tant de poissons,
Ny la Beauce tant de moissons,
Ny la Bretaigne tant d'arenes,
Ny l'Auvergne tant de fonteines,
Ny la nuict tant de clairs flambeaux,
Ny les forests tant de rameaux,
Que je porte au coeur, ma maistresse,
Pour vous de peine et de tristesse.