Curiositez françoises/1re éd., 1640/Dedicace
GEORGE FRIDERIC,
CONTE DE VVALDECK,
PYRMONT ET CULEMBOURG,
Baron de Tonna, Pallants, VVittem,VVorth & VVildembourg, Seigneur
de Leede, Linden, Kinsvveiller,Engels-
dorff, &c.
C'est veritablement faire tort à la grandeur de vostre esprit, qui ne se plaist qu’aux choses les plus releuées, que de luy en opposer de vulgaires & de si peu de valeur:toutefois, puisque son estendüe vous porte iusques aux moindres curiositez, i’espere que vous ne vous en offenserez pas, si ie vous offre celle-cy, pour vous servir au moins de divertissement, lors que vous viendrez à quitter par relasche le solide & le serieux. Elles ont bien quelque apparence e bassesse qui pourroit choquer la vertu ;mais la vostre, MONSEIGNEUR, qui ne sçauroit estre esbranlée en aucune sorte, en fera mieux esclatter son lustre par un effet de leur contrarieté. Il y a beaucoup moins de mauvais que de necessaire, & vostre bon jugement choisira sans difficulté ce qui luy est plus sortable, &laisser le reste à ceux qui sont au dessous de luy. Quoi que ce soit, ie renge le tout sous vostre protection, & si ie comets une faute, c’est l’obligation qui m’y force, l’employ dont vous m’honorez exige de moy ce devoir, & me commande d’une puissance absolüe de vous rendre tesmoignage de la passion que i’ay de m’en acquitter dignement : i’attends de vous en contr’eschange une grace, qui sera l’une des plus advantageuses que ie puisse iamais souhaitter, que vous me permettrez la continuation de mes services, & de me qualifier tousiours,