Dictionnaire historique Juigné/1re éd., 1627/Zoroastre
Zoroastre Roy des Bactriens, tres-fameux Astrologue & Magicien, le premier de tous (ainsi que dit Pline) qui exerça la Magie en Perse. Pline li. 30. ch. i. Il regna 400 ans devant la guerre de Troye, du temps de Ninus, contre lequel il eut de forte guerres, & enfin fut par luy vaincu & tué. Il predit aux Assyriens que leur regne ne de faudroit point s’ils pouvoient garder de ses cendres, mais il fut consumé du feu du Ciel, ou comme aucuns disent, occis par Ninus. Le mesme Pline dit, que du premier iour de sa naissance il se prit à rire ; ce qui n’arrive d’ordinaire à tous, qu’au soixante deuxiesme iour. L’on dit aussi que le cerveau luy tressailloit tellement, qu’il faisoit rebondir la main que l’on appliquoit sur son chef. Tous lesquels prodiges furent presage de sa grande & profonde science. Pline liv. 7. ch. 16.