Rymes/L’heureuse cendre aultresfois composee

La bibliothèque libre.
Sauter à la navigation Sauter à la recherche

Epitaphes de la Gen
tile & spirituelle Dame Pernette du
Guillet dicte cousine, trespassee
Lan m.d. xxxxv.
le xvii. de
Juillet.


L’heureuse cendre aultresfois composee
En un corps chaste, ou Vertu reposa,
Est en ce lieu par les Graces posee
Parmy ses os, que Beaulté composa.
O Terre indigne : en toy son repos à
Le riche Estuy de celle Ame gentile,
En tout sçavoir sur tout aultre subtile,
Tant que les Cieulx, par leur trop grand envie,
Avant ses jours l’ont d'entre nous ravie
Pour s'enrichir d’un tel bien mescongneu :
Au Monde ingrat laissant honteuse vie,
Et longue mort a ceulx, qui l'ont congneu.