Le Mespris de la vie et consolation contre la mort/« La viellesse arrivee, on est recompensé »
Apparence
Le Mespris de la vie et consolation contre la mort
XLV.
La viellesse arrivee, on est recompensé
Des exces de jeunesse, aus auns manque l'ouïe,
Aus autres la puissance, & la veüe esblouïe
Des plus sains et gaillars rend l'esprit offencé :
Tous sens l'un apres l'autre en nous est trespassé
Hormis le sentiment de nostre maladie,
Qui parle cours du tems plus forte, & plus hardie
Presse, jusqu'au cerceuil, le cors fresle, & cassé.
Il n'y à part en nous que la Parque inhumaine
Pour s'en asseurer mieus, comme en gage ne prenne
Nous connaissant sujets à dilayer tousjours :
Baste tout meurt en nous, seulement nostre vice
Malgré du tems subit la gloutonne avarice,
Vivant de nostre mort, rajeunit tous les jours.