Le Mespris de la vie et consolation contre la mort/« Que te chaut il, mortel, à quelle heure tu sorte »
Apparence
Le Mespris de la vie et consolation contre la mort
X.
Que te chaut il, mortel, à quelle heure tu sorte
Puisqu'il te faut sortir, ne te chaille comment
Longuement tu vivras, te chaille seulement
Comme tu vivras bien selon que DIEU t'enhorte :
De vivre longuement le Seigneur nous l'apporte,
Et le bien vivre aussi, vivant honnestement
La vie est longue assez quant honnorablement
En ayant bien usé nous luy fermons la porte :
Vivre en oisiveté quattre vingt ans passez
C'est séjourner en vie, & non pas vivre assez,
Car tel long cour de tems est une mort obscure.
Nostre vie est semblable au jeu de l'eschaffaut
Pourveu qu'il soit joüé, & finis comme il faut
On ne regarde point combien de tems il dure.