Ma Dame beut à moy : puis me baillant sa tasse
(Redirigé depuis Ma Dame beut à moy: puis me baillant sa tasse)
Ma Dame beut à moy : puis me baillant sa tasse
XXXI
Ma Dame beut à moy : puis me baillant sa tasse :
Buvez, dit-elT, ce reste où mon cœur j’ay versé :
Et alors le vaisseau des lévres je pressay,
Qui comme un Batelier son cœur dans le mien passe.
Mon sang renouvellé tant de forces amasse
Par la vertu du vin qu’elle m’avoit laissé,
Que trop chargé d’esprits et de cœurs, je pensay
Mourir dessous le fais, tant mon ame estoit lasse.
Ah, Dieux, qui pourroit vivre avec telle beauté,
Qui tient tousjours Amour en son vase arresté !
Je ne devois en boire, et m’en donne le blâme.
Ce vase me lia tous les sens dés le jour
Que je beu de son vin, mais plus tost une flame,
Mais plus tost un venin qui m’en-yvra d’amour.