Discussion utilisateur:Zyephyrus/Novembre 2015
Ajouter un sujetMarges[modifier]
Ôter marges (Merci Hector !)
Farce du Cuvier[modifier]
- Viollet le Duc, Ancien théâtre françois, Paris, 1854.
- Le Cuvier : pp. 32 -49 du t. I. Cette édition due en réalité à A, de Montaiglon, présente un texte parfois fautif, et n'offre aucun éclaircissement sur le sens.
- Édouard Fournier, Le théâtre français avant la Renaissance, Paris,1872. Internet Archive
Le Cuvier : pp.192-198. Réimpression faite d'après l'édition précédente – malgré les allégations de l'auteur.
- Émile Picot et Christophe Nyrop, Nouveau Recueil de farces françaises des XVe et XVIe siècles, Paris, 1880. Internet Archive
Le Cuvier : pp.1-45. Les auteurs proposent parallèlement le texte des deux éditions anciennes -; plusieurs corrections sont introduites pour rétablir des vers faux.
+ Texte intégral
FARCE NOUVELLE TRESBONNE ET FORT JOYEUSE
DU CUVIER
a troys personnaiges, c'est assavoir :
Jaquinot
Sa Femme
Et la Mère de sa Femme
(Un bois représente un rinceau de vigne avec des grappes)
Farce joyeuse
A, i. , V°
Jaquinot commence
Le grant dyable me mena bien
Quant je me mis en mariage !
Ce n'est que tempeste et oraige,
On n'a que soulcy et peine ;
5 Tousjours ma femme se demaine
Comme ung saillant, et puis sa mere
Afferme tousjours la matiere.
Je n'ay repos, heurt ne arrest,
Je suis peloté et tourmenté
10 De gros cailloux sur ma servelle ;
L'une crye, l'autre grumelle ;
L'une mauldit, l'autre tempeste,
Soit jour ouvrier ou jour de feste ;
Je n'ay point d'aultre passetemps,
15 Je suis au renc des mal contens,
Car de rien ne fais mon proffit.
Mais par le sang que Dieu me fist,
Je seray maistre en ma maison
Se m'y maitz ?
La Femme
Dea, que de plaictz !
Taisez vous, si ferez que saige.
La mere
Qu'i a il ?
La Femme
Quoy ? Et, que sçay je ?
Il y a tousjours a refaire,
Et ne pense pas a l'affaire
25 De ce qu'il fault a la maison.
La Mere
Dea, il n'y a point de raison
Ne de propos. Par Nostre Dame,
Il faut obeyr a sa femme,
Ainsy que doibt ung bon mary,
............................................
30 Se elle vous bat aulcunesfois
Quant vous fauldrez.
Jaquinot
Hon ! hon ! toutesfois
Ce ne souffriray je de ma vie.
La Mere
Non ? Pourquoy, Saincte Marie,
Pensez vous, se elle vous chastie
35 Et corrige en temps et en lieu
Que se soit par mal ? Non, par bieu,
Ce n'est que signe d'amourette.
A,ii. R°
Jaquinot
C'est très bien dit, ma mere Jaquette ?
Mais ce n'est rien dit a propos
40 De faire ainsi tant d'agios.
Qu'entendez vous ? Voyla la glose.
La Mere
J'entends bien, mais je propose
Que ce n'est rien du premier an.
Entendez vous, mon amy Jehan ?
Jaquinot
45 Jehan ! Vertu Sainct Pol, qu'est ce a dire ?
Vous me acoustrez bien en sire
D'estre si tost Jehan devenu.
J'ay non Jaquinot, mon droit nom :
L'ygnorez vous ?
La Mere
Non, mon amy, non.
50 Mais vous estes Jehan marié.
Jaquinot
Par bieu, j'en suis plus harié !
La Mere
Certes, Jaquinot, mon amy,
Vous estes homme abonny.
Jaquinot
Abonny ! Vertu sainct George,
55 J'aymeroys mieulx qu'on me coupast la gorge !
Abonny ! Benoiste Dame !
La Mere
Il fault faire au gré de sa femme,
C'est cela, s'on le vous commande.
Jaquinot
Ha, sainct Jehan ! elle me commande
Trop de negoces en effaict.
La Mere
Pour vous mieulx souvenir du faict,
Il vous convient faire ung roullet
Et mettre tout en ung fueillet
Ce qu'elle vous commandera.
Jaquinot
65 A cela point ne tiendra,
Commencer m'en voys a escripre.
La Femme
Or escripvez, qu'on le puisse lire :
Prenez que vous me obeyrez
Ne jamais ne me desobeyrez
70 De faire le vouloir mien.
A,ii. V°
Jaquinot
Le corps bieu, je n'en feray rien,
Sinon que chose de raison.
La Femme
Or mettez la, sans long blason :
Pour eviter de me grever,
75 Qu'il vous fauldra tousjours lever
Premier pour faire la besongne.
Jaquinot
Par Nostre Dame de Boulongne !
A cet article je m'oppose.
Lever premier ! Et pour quelle chose ?
La Femme
80 Pour chauffer au feu ma chemise.
Jaquinot
Me dictes vous que c'est la guise ?
La Femme
C'est la guise, aussi la façon, :
Apprendre vous fault la leçon.
La Mere
Escripvez !
La Femme
Mettez, Jaquinot !
Jaquinot
85 Je suis icy encor au premier mot :
Vous me hastez tant que merveille.
La Mere
De nuyt, se l'enfant se resveille,
Ainsi que faict, en plusieurs lieux,
Il vous fauldra estre songneux
90 De vous lever pour le bercer,
Pourmener, porter, apprester
Parmy la chambre, et fust minuict.
Jaquinot
Je ne sçauroye prendre deduit,
Car il n'y a point d'aparence.
La Femme
95 Escripvez !
Jaquinot
Par ma conscience
Il est tout plain jusques a la rive.
Mais que voulez que j'escripve ?
La Femme
Mettez, ou vous serez frotté!
Jaquinot
Ce sera pour l'autre costé.
A. iii. R °
La Mere
100 Après, Jaquinot, il vous faut
Boulenger, fournier et buer.
La Femme
Bluter, laver, essanger.
La Mere
Aller, venir, trotter, courir,
Peine avoir comme Lucifer.
La Femme
105 Faire le pain, le four chauffer
La Mere
Mener la mousture au moulin.
La Femme
Faire le lict au plus matin,
Sur peine d'estre bien bastu.
La Mere
Et puis mettre le pot au feu
110 Et tenir la cuisine nette.
Jaquinot
Si fault que tout cela se mette,
Il fauldra dire mot à mot !
La Mere
Or escripvez donc, Jaquinot :
Boulenger...
La Femme
Fournier...
La Mere
Buer...
La Femme
115 Bluter...
La Mere
Laver...
La Femme
Essanger.
Jaquinot
Laver quoy ?
La Mere
Les potz et les platz.
Jaquinot
Attendez, ne vous hastez pas :
Les potz et les platz.
La Femme
Et les escuelles !
Jaquinot
Et, par le sang bieu, sans cervelle
120 Je ne sçaurois cela retenir.
A, iii. V°
La Femme
Mettez le, pour vous en souvenir,
Entendez vous, car je le veulx.
Jaquinot
Bien. Laver les. . .
La Femme
Drapeaulx breneux
De nostre enfant en la riviere.
Jaquinot
125 Je regny goy ! La matiere
Ne les motz ne sont point honnestes.
La Femme
Mettez, hay, sotte beste ;
Avez vous honte de cela ?
Jaquinot
Par le corps bieu, rien n'en sera !
130 Et mentirez, puis que j'en jure.
La Femme
Il fault que je vous face injure :
Je vous battray plus que plastre.
Jaquinot
Helas ! plus n'en veulx debatre,
Il y sera, n'en parlez plus.
La Femme
135 Il ne reste, pour le surplus :
Que le mesnaige mettre en ordre ;
Que present me ayderez a tordre
La lessive auprés du cuvier,
Habille comme ung esprevier.
Jaquinot
140 Il y est, hola !
La Mere
Et puis faire aussi cela
Aulcunesfois a l'eschappee.
Jaquinot
Vous en aurez une gouppee
En quinze jours ou en ung moys.
La Femme
145 Mais tous les jours, cinq ou six fois,
Je l'entens ainsi, pour le moins.
Jaquinot
Rien n'en sera, par le bon Saulveur !
Cinq ou six fois ] Vertu Sainct George !
Cinq ou six fois ] Ne deux ne trois,
Par le corps bieu, rien n'en sera,
La Femme
Qu'on ait du villain malle joye ! A, iiii. R °
Rien ne vault ce lasche paillart.
Jaquinot
Corbieu, je suis bien coquillart
D'estre ainsi durement mené.
160 Il n'est ce jour d'huy homme nay
Qui sçeut icy prendre deduit
Raison pourquoy ? Car jour et nuit
Me fault recorder ma leçon.
La Mere
Il y sera, puis qu'il me plaist.
Despechez vous et le signez.
Jaquinot
Le voila signé ! Or, tenez,
Gardez bien qu'il ne soit perdu.
Si je debvois estre pendu
Des a ceste heure, j'ay proposé
165 Que je ne feray aultre chose
Que ce qui est a mon rolet.
La Mere
Or le gardez bien tel qu'il est,
La Femme
Allez, ma mere, je vous commande a Dieu.
En parlant a Jaquinot
Or sus, tenez la, de par Dieu,
Et prenez ung peu la suee
Pour bien tendre nostre buee ;
C'est ung des pointz de nostre affaire.
Jaquinot
Point je n'entens que voulez faire.
Mais qu'esse qu'elle me commande ?
La Femme
Jouee te bailleray si grande.
Je parle du laver, follet !
Jaquinot
Cela n'est point a mon rollet.
La Femme
Si est, vrayement !
Jaquinot
Jehan, non est !
La Femme
Non est ? Si est, s'il te plaist :
Le voyla, qui te puisse ardre !
Jaquinot
Hola ! hola ! je le veulx bien :
C'est raison, vous avez dit vray ;
Une aultre foys je y penseray,
A, iiii, V°
La Femme
Tenez ce bout la : tirez, et tirez fort.
Jaquinot
185 Sang bieu, que ce linge est ort !
Il fleure bien le mux de couche.
La Femme
Mais ung estronc en vostre bouche !
Faictes comme moy gentillement.
Jaquinot
La merde y est, par mon serment !
190 Voicy ung trespiteux mesnage.
La Femme
Je vous ruray tout au visage !
Ne cuidez pas que ce soit fable.
Jaquinot
Non ferez, non, de par le dyable.
La Femme
Or sentez, maistre quoquart !
Jaquinot
195 Dame, le grant dyable y ait part !
Vous m'avez gasté tous mes habis.
La Femme
Fault il tant d'alibis
Quant convient faire la besongne ?
Retenez ! que malle rongne
Vous puisse tenir par le col !
Elle chet en la cuve.
Mon Dieu, soyez de moy recorps,
Ayez pitié de ma pauvre ame,
Aydez moy a sortir dehors,
Ou je mourray par grant diffame.
205 Jaquinot, secourez vostre femme,
Tirez la hors de ce bacquet !
Jaquinot
Cela n'est pas a mon rolet.
La Femme
Tant ce tonneau me presse !
J'en ay grant destresse,
210 Mon cueur est en presse.
Las, que je soye ostee !
Jaquinot
La, vieille vesse !
Tu n'es que une yvresse.
Retourne ta fessse
215 De l'aultre costé !
B, i. R°
La Femme
Mon bon mary, saulvez ma vie !
Je suis ja toute esvanouye :
Baillez la main ung tantinet.
Jaquinot
Cela n'est point a mon rollet,
220 Car en enfer il descendra.
La Femme
Helas ! qui a moy n'attendra,
La mort me viendra enlever.
Jaquinot lyt son rollet.
Jaquinot
Boulenger, fournier et buer,
Bluter, laver, essanger. . .
La Femme
225 Le sang m'est desja tout mué,
Je suis sur le point de mourir.
Jaquinot
Baiser, acoller et fourbir...
La Femme
Tost pensez de me secourir !
Jaquinot
Aller, venir, trotter, courir...
La Femme
230 Jamais nen passeray ce jour.
Jaquinot
Faire le pain, chauffer le four...
La Femme
Sa, la main ! Je tire a la fin.
Jaquinot
Mener la mousture au moulin...
La Femme
Vous estes pis que chien mastin !
Jaquinot
235 Faire le lict au plus matin...
La Femme
Las, il vous semble que soit jeu.
Jaquinot
Et puis mettre le pot au feu...
La Femme
Las, ou est ma mere Jacquette ?
Jaquinot
Et tenir la cuisine nette.
La Femme
240 Allez moy querir le curé.
Jaquinot
Tout mon papier est escuré. B, i. R°
Mais je vous prometz, sans long plet,
Que cela n'est point a mon rolet.
La Femme
Et pourquoy n'y est il escript ?
Jaquinot
Pource que ne l'avez pas dit !
Saulvez vous comme vous vouldrez,
Car de par moy vous demourrez.
La Femme
Cherchez doncques si vous voirrez
En la rue quelque varlet.
Jaquinot
Cela n'est point a mon roulet.
La Femme
Et, sa, la main ! mon doulx amy,
Car de me lever ne suis forte.
Jaquinot
Amy ! mais ton grant ennemy !
Je te vouldroye avoir baisé morte.
La Mere
255 Hola ! hault !
Jaquinot
Qui heurte a la porte ?
La Mere
Ce sont voz grans amys, de par Dieu !
Je suis arrivee en ce lieu
Pour sçavoir comme tout se porte.
Jaquinot
Tresbien, puis que ma femme est morte.
260 Tout mon souhait est advenu ;
J'en suis plus riche devenu.
La Mere
Et ? est ma fille tuee ?
Jaquinot
Noyee est en la buee.
La Mere
Faulx meurdrier, qu'esse que tu dis ?
Jaquinot
265 Je prie a Dieu, a Dieu de Paradis
Et a monsieur sainct Denys de France
Que le dyable lui casse la pance
Avant que l'ame soit passee.
La Mere
Helas, est ma fille trespassee ?
Jaquinot
En teurdant elle c'est baissee, B. ii R°
Puis la pongnee est eschapee,
Et a l'envers est cheute la.
La Femme
Mere, je suis morte, voyla,
Se ne secourez vostre fille.
La Mere
275 En ce cas seray habille.
Jaquinot, la main, s'il vous plaist.
Jaquinot
Cela n'est point a mon roulet
La Mere
Vous avez grant tort en effaict.
La Femme
Las, aydez moy !
La Mere
Meschant infaict,
280 La laisserez vous mourir la ?
Jaquinot
De par moy elle y demourra
Plus ne vueil estre son varlet.
La Femme
Aydez moy !
Jaquinot
Point n'est au rollet
Impossible est de le trouver.
La Mere
285 Dea, Jaquinot, sans plus resver,
Ayde moy a lever ta femme.
Jaquinot
Ce ne feray je, sur mon ame,
Se premier il n'est promis
Que en possession seray mis
290 Desormais d'estre le maistre.
La Femme
Si hors d'icy me voulez mettre
Je le promectz de bon couraige.
Jaquinot
Et si ferez...
La Femme
Tout le mesnaige,
Sans jamais rien vous demander,
295 Ne quelque chose commander,
Se par grant besoing ne le fault.
Jaquinot
Or sus doncques, lever la fault.
Mais, par tous les sainctz de la messe, B.ii. v°
Je veulx que me tenez promesse
300 Tout ainsi que l'avez dit.
La Femme
Jamais n'y mettray contredit,
Mon amy, je le vous prometz.
Jaquinot
Je seray doncques desormais
Maistre puis que ma femme l'accorde.
La Mere
305 Si en mesnaige y a discorde,
On ne sçauroit fructifier.
Jaquinot
Aussi je veulx certifier
Que le cas est a femme laict
Faire de son maistre son varlet,
310 Tant soit sot ou mal aprins.
La Femme
Aussi m'en est il mal prins,
Comme on a veu cy en presence.
Mais desormais en diligence
Tout le mesnaige je feray,
315 Aussi la servante je seray,
Comme par droict il appartient.
Jaquinot
Heureux seray, se le marché tient,
Car je vivray sans soucy.
La Femme
Je le vous tiendray sans nul sy
320 Je le vous prometz, c'est raison
Maistre serez en la maison,
Maintenant bien le considere.
Jaquinot
Par cela doncques je feray
Que plus ne vous seray divers
325 Car retenez, a motz couvers:
Que par indicible follye
J'avoys le sens mis a l'envers.
Mais mesdisans sont recouvers
Quant ma femme si est raillee,
330 Qui a voulu en fantasie
Me mettre en subjection.
Adieu ! C'est pour conclusion.
Cy fine la farce du Cuvier. Imprimé nouvellement.