Le Disciple de Pantagruel/1875/05
Comment les poulles et poussins croissoient au ventre de Bringuenarilles.
CHAPITRE V.
OR est ainsi qu’il aimoit fort les œufz, parquoy il luy en falloit à chascun repas bien le nombre de cinquante milliers pour le moins : car il les avalloit sans mascher, comme poys creuz, tout entiers sans casser, pource qu’il avoit les dentz grosses et longues. A ceste cause, quand ilz avoient esté trois jours entiers en son ventre, lequel estoil fort chault, les poussins et les poulletz luy sorioient du trou du cul tous esclos, de sorte que vous en eussiez bien mengé. Les ungs couroient après luy, les aultres avoient encores le bec au cul, et les aultres n’estoient encores qu’à demy-esclos, et le corps à demy dedans son ventre. Quand ilz avoient froit, il les couvroit de son manteau pour les reschauffer, lequel estoil plus large que toute la ville de Paris, votre trois fois plus pour le moins, s’il estoit bien mesuré.