ſeront trove en la terre qui contre nos guerroie, & ſe li noſtre ſunt ilucke ſauf, ſeient ſi lor ſauf en la noſtre terre.
XLVI. Leiſe chacun des ci en avant eiſſir de noſtre regne & repairer ſauf & ſeur par terre & par eue ſauve noſtre fei, fors el tens de guerre par alcun petit tens pour preu del regne: Mais di co ſunt jet te fors li empriſone, & li utlagie ſolon la lei del regne, & la gent ki contre nos guerroie. Des marcheans ſeit feit, ſi come nous avons devant dit.
XLVII. Se aucuns tient daucune eſchaette ſi come del honor de Walingeford, Notingehan, Boloigne, Lancaſtre, u dautres echaetes qui ſunt en noſtre main, & ſunt de baronie, & il muert, ſes heirs ne doinſt altre relief, ne face a nos altre ſerviſe, qui feiſt al baron, ce cele baronie fuſt en main del baron, & nos la tendrone en tele maniere que le baron la tint.
XLVIII. Li home qui maignent fors de la foreſt, ne viegnent de ci en avant devant nos
