5 Vous devés savoir que si tost que li enfes ara.vij. ans, si devés aefforcier tant qu'il soit bien acoustumés, et qu'il ne li aviegne cose ki le couroust trop ne ki le face trop vellier; et ce qu'il demande li soit douné, et qu'il ne demeurt cose devant lui ki li dessieche; et ce doit on faire por ce que se nature soit bien complexionnee et raemplie de boines costumes, car c'est li aages où li enfant detienent plus et aprendent les boines costumes et les malvaises costumes; et sachiés que boinnes costumes sont garde, de le santé du cors et de l'ame. po33a. 10 15 20 Et apriès chou, le doit on faire baignier le semainne .ij. fois ou .iij., especialment quant il se levera de dormir; et quant il est baigniés, si li doinst on à mengier et puis apriès, aler Il jouwer et esbatre; et quant il revient, douner li encore à mengier, et ensi poés faire .iij. fois le jor; et douner li à boire vin tempré à ewe,et gardés k'il ne boive ewe froide deseure le viande, car ele 2 le porroit trop agrever; et le devés garder de lait, de fruit et de fromage tant com vous poés, por le pierre qui en aus se puet engenrer. Et en tel aage, qui veut, le fait boin envoier à l'escole et douner à maistre 3 qui ordeneement le sa<che> aprendre sans batre, et qu'il ne le [f]force mie trop demourer outre sen gré en l'escole 4, et l'aprenge, et le castiche. 25 Apriès, quant il ara passé .xiiij. ans, si convient prendre garde que les humeurs ne li habundent trop, por trop mengier et por trop boire qu'il font; et s'il habundent trop, si les doit on purgier par sainnies 5 et par legieres medecines; et si se doivent garder les femmes de trop ongier 6, car à ce tans afoiblist trop li nature et li com- plexions, et por ce, converroit qu'il ne presissent femmes devant .xx. ans ou .xxv. F°33b. 30 35 Cil qui ont passé les .xxv. ans doivent user ||le travillier plus fort, selonc ce que nous avons dit, et lui garder de viandes ki engenrent cole rouge, si com sont aus et oignons, porions, totes autres coses seches, et use coses froides et moistes, si com poison sont 7, char de chievros8, et boivent vin meslé à ewe, et se gardent de vin viès et fort, et se facentsainnier et purgier si com li tans et lor nature le demande, car c'est li aages en coi on le puet plus seürement faire. I.B.de garder lasanté. — 2. B. ajoute : « l'atrurroit et ». — 3. B. mestier. — 4. B. ajoute: « mais qui à boines paroles l'apraigne, et à aspres le chastie. »— 5.B.sainier. — 6. B. C. de trop gésir à feme. D. de hanter trop les femes. — 7. B. sont poissons. — 8. B. ajoute: « fruit ».
