Et s’eslonga des siens adont si seullement
Qu’il passa les conrois adont si fierement,
Mais il fu si enclos a tous lez vraiement
Que si honme ne polrent soustenir le comptent.
La fu enclos li rois par ytel couvenent
Que Grigois l’assalirent a tous lés tellement,
De glaves et de dars li lanchoient souvent,
Son cheval li ont mort a la tiere sanglent.
Li rois se redrecha tost et hasteement,
Adont escrie : « Ronme ! » a se vois clerement,
Mais bien say dire a vous que che fu pour noyent,
Car chevalier qu’il ait ne l’ot ne ne l’entent.
Adont, se veïssiés conment il se deffent
Et leur detrenche bras et chiervielles leur fent,
Bien desissiés qu’il fust de fier contenement !
Or fu li empererez si enclos des Grigois
Qu’il ne scet ou aler, ains crie a haulte vois :
« Ronme a l’empereour, qui ratache ses drois !
Milles, ou yestes vous, frans chevaliers adrois ?
De mort fui ge par vous garis a l’autre fois.
Bien volroie, par Dieu qui fu mis en la crois,
Se j’estoie cy mors, qu’en mon lieu fuissiés rois
Et s’euissiés Flourenche, qui tant a les crins blois. »
Et li Grieu li lanchoient et glaves et espois,
En maint lieu desrompirent de son haubiert les plois,
En la char l’ont navré de leur achier tresfrois,
Si que li sans en quiet devant lui en l’ierbois.
Telz quinze plaies ot li empererez drois
Dont li menre ne fust point garie en deus mois ;
Fierement se vendi, che tiessmoingne li vois.
Milles et Esmeréz, qui estoient Hongrois,
- ↑ 1085 Que il — 1092 esplois.
1074 lassalierent — 1076 sanglant — 1080 ne le lentent