Dès que Deus, nostre sire, ot le siecle estoré,
Ne fu mais chançons dite de si grant nobleté
Con vos orrez huimais, se ce vos vient a gré,
D’un riche empereor de Rome la cité.
Cil fut Otes de Rome ; qui tant ot grant regné ;
Vieuz et foibles estoit, si ot le chief meslé.
La fille ot nom Florence, o le cors acesmé ;
Mout l’ama l’enperere et tint en grant chierté.
Quant Florence naqui, con Deus l’ot destiné,
La roïne en fu morte dedens tierz jor passé.
Quant la dame ot son cors de l’enfant delivré,
Granz miracles lor a nostre sires mostré,
Car il virent dou sanc sur terre a grant plenté ;
Les bestes se combatent de par tot le regné,
Et li oiseil volant se sunt entreplumé :
Ce fu senifiance de la mortalité
Que por lé fu si grant, con dient li letré,
Que plus de cent mile homes en furent mort gité.
Seignors, celle Florence fu de ci grant bonté,
Quant la belle ot dis ans acomplis et passé,
Et fu cortoise et sage et de grant nobleté
Et si fu bien letree, plene d’umilité,
Et dou cors des estoiles sot a sa volenté,
29 M Puis ke, M le munte. — 30 P Nef.... (le reste manque par suite d’une déchirure), mais manque M — 31 manque M, P Con u.... — 32 P Du....., M Del r. emperur otes de r. — 33 manque M, P Cil.... — 34 P V....., M Veil fu li emperes si — 35 P L..., M si out une fille fl., M douge — 36 M lama si peres, M a. gr. — 37 P qui deus — 38 M Sa mere murut dedens le — 39 M d. fu de le enf. — 40 M Grant miracle, P lor et n., M ad deu demustre — 41 M Ke treis iurs lur ad sanc ploue — 42 de manque M — 43 volant répété dans M, M entere plume — 45 M gr. ceo d. — 46 P pl. de .xx., M m. en f. de coupe — 48 M Q. auit dis anz de hec, P pasez — 49 M Curteise fu e ben lettere — 50 M Humble de bele parole e de grant simplete — 51 P Dou cors et des, M Des ars e des estiles sout a grant plente.
