« Vassal, » dist il, « vos n’estes pas senez
« Qui devant moi vostre espée portez ;
« S’or aviez felonie enpensé,
« En petit d’ore m’avriez ja tué ;
« Par Saint Denis qui est mes avoez,
« Po ne vos faz toz les menbres coper ! »
Aymeris l’ot, ne deigna mot soner,
Ainz deslaça son vert elme jemé
Apres la quoife del blanc auberc safré ;
Sor ses espaulles l’a lessiée coler ;
La barbe ot longue jusqu’al neu du baudré,
Dont lo connut Guillaumes au cort nés,
Hernauz et Bueves et danz Garins li ber,
Et Looys et des autres asez.
Si le corurent besier et acoler
Et après lui en entra tant el tref
Qui l’ont entr’els si forment enserré,
Par un petit que il ne s’est pasmez ;
« Seignor baron, » dist Aymeris li ber,
« Por amor Deu vos vueil merci crier :
« Je sui el cors d’un grant espié navrez,
« Que ja n’en quit garir ne respasser.
— Biax sire pere, » dist Guillaumes li ber,
« Ja m’avoit l’en en Orenge conté
« Que Sarrazin vos avoient mené
— 2323 C n’estes mie s. — 2324 D aportez. — 2325 C pensé. — 2326 C En po d’ore m’avriez mort jeté, D la tué. — 2327 D qu’il (sic) ait mon chief voé. — 2328 A B Par poi que vous ne fas emprisonner. — 2329 D deigne mot parler. — 2331 C Et la q., D serré. — 2332 D le lese aval c. — 2333 C D Blanche ot la barbe, C comme flor en esté. — 2334 C Lors lo c., D Bien le quenut. — 2337 A B Qui le c., C acoler et b., D Il le. — 2338 omis dans A B, C A ces paroles assenble li barnez. — 2339 A B Et l’ont entr’eus, C Qui encontr’els l’ont si forment serré. — 2340 A B que il ne l’ont tué. — 2341 omis dans C, A B l’amor. — 2343 C parfondement n. — 2344 A B Dont je ne c., omis dans C. — 2345 C Sire pere. — 2346 C a O.
