« Dont Sarrazin m’ont a grant tort jeté.
« Se je i puis par son conseil entrer,
« Je li donrai .xv. chastiax sor mer,
« .X. fortereces et .iiii. granz citez.
Li rois respont : « Je l’otroi de par Dé.
« Dex le vos doinst bien fere. »
Looys monte a la chiere hardie
Et Aymeris a la barbe florie,
Li quens Hernauz que Jhesus beneïe
Et avuec ax lor grant chevalerie.
Cortoisement conduisent les meschines
Par mi les landes desoz Esclabarie,
La cite frete desoz lo pui assise ;
.C. tors i ot, dreciées et basties ;
Charles li rois a la barbe florie
L’arst et fondi quant ot Nerbone prise,
Que puis ce jor n’i ot herberjerie.
Mès Sajetaire l’ont de novel reprise,
Des vielles tors ont redreciées .xv.
A une part des couverz de la vile
Une trenchiée i ont fete et bastie,
- ↑ LXXXV. C rime en ie. — 2405 A B Lors monte Aquaires. — 2408 D Ensemble o lui molt grant c., A B grande chevalerie. — 2409 A B lor mesnie. — 2410 D Aclabarie. — 2411 A B La fort cité desouz le pui antie, C Une cité et fort et bien garnie. — 2412 C Mainte fort tor i ot fete et b., D ajoute : Bloies et jaunes et vermeilles et bises. — 2413 A B Car Klm. a la barbe florie. — 2414 A B L’ot enforciée quant ot N. p. — 2415 D Ainz puis. — 2416 A B Et S., D ajoute : Et Turc felon do regne d’Orcanie | De Babiloine .i. grant estoire vindrent. — 2417 A B De v. — 2418 D anz o coig de la v. — 2419 A B U. chaucie.
— 2399 omis dans A B. — 2401 D .xxx. c. — 2402 A B et .v. nobles c. — 2403-4 omis dans D. — 2403 C Et dit li rois. — 2404 A B Que Diex vos en doinst joie.
