D’ors et de cers et d’autre venerie.
Li Sajetaire les bersent et ocient,
La char manjuent que il ne cuisent mie,
Et lo sanc boivent, plus que vin le desirent.
Se ceste jent que vos oez ci dire
Puent trover dant Aymeri lo riche,
Po li vaudra sa bele conpaignie ;
N’en revendra chevalier ne meschine,
Ne n’enterra en Nerbone la riche,
Ne Looys, en France la garnie,
Se Dex nel fet, li filz Sainte Marie.
Mès alé furent lo jor a une assise
Por acorder contre Turs d’Orquenie ;
C’est une jent qui Deu ne croient mie.
Par lor cors ont une terre sesie
Sor une roche dedenz mer en une isle ;
.IIII. jornées est de la roche eschive,
Close est a murs et a granz tors antives.
Tuit sont seignor, por rien ne se jostissent,
Ne servent home qui muire ne qui vive.
Li Sajetaire les bersent et ocient.
Ce est la chose qui or plus les jostisse.
Le jor s’acordent, s’ont une trieve prise.
François chevauchent qui ne s’atarjent mie,
Ainz ne finerent deci en Ortobrie.
Biax sont li bois et granz la praerie.
C Que la terre, D Mès lor terre. — 2448 A B Mangent la char que..., D mès ne la c. — 2449 A B Boivent le s. plus que de vin sor lie, C ainsi com vin sor lie. — 2452 C riche c., D fiere. — 2453 A B Ne reverra ch. ne mesnie. — 2456 D Se Dex n’en pense. — 2457 A B sont a. — 2458 A B concorder, C as T., D Ex a. — 2459 A B Une gent est. — 2462 D la montaigne e. — 2463 A B et si a t. — 2464-5 omis dans A B. — 2467 omis dans A B. — 2468 D une treve ont p. — 2469 A B si ne s’a. — 2470 C Onc... Turquenie, D Orturblie. — 2471 A B large la p., D gentes les p.