Cette page a été validée par deux contributeurs.
88
RONDEAUX
CI
C. Blosset
e suis celuy qui desire sa mort
Incessaument, par Maleur qui m’amort
De la vouloir si souvent requerir :
N’esse pitié ? — Or, par Dieu, sans mentir,
Ouy, trop grande. — Mais quoy ! je n’ay pas tort :
Mon cueur, mès parlons loyaument,
Et debatons finablement
De ma maleureuse fortune.
Est il nul soubz le firmament,
Qui des maulx ait si largement
Comme moy pour amer fort une ?
Hellas ! nanny, car Douleurs par renfort,
Aussi rengées de ce mesmes resort,
Me tourmentent a leur gré et plaisir ;
S’ilz me feissent tout a ung coup mourir,
Bien je disse par ung grant reconfort :
Je suis celuy [qui desire sa mort.]
CII
C. Blosset
lus vous regarde, trop plus fort je vous prise,
Et se vous seusse a votre droibt priser,