Conty), et luy dis que je m’estonnois fort de ce qu’elle ne luy avoit point parlé en deux heures qu’elle avoit esté pres d’elle : elle me dit qu’a cause de madame de la Trimouille[1] quy ne l’avoit point abandonnée, elle ne l’avoit sceu faire ; et que je luy disse de sa part ; aussy que pour n’allarmer personne, elle n’eut peut-estre pas entrepris de luy parler, quand mesmes elle en eut eu la commodité.
Je montay aussytost a la chambre de madame la princesse de Conty, ou je trouvay madame la duchesse de Guyse et elle, quy s’entretenoint. Je me mis en tiers, et disposay ma dite dame de Guyse a porter son mary au service particulier de la reine, et que le lendemain au matin Zammet viendroit luy parler, comme tous deux seroint dans le lit, et qu’elle feroit en sorte qu’il le trouveroit porté conformement a nostre desir.
Je ne voulois point qu’il parut que je m’entremeslasse de cette affaire ; c’est pourquoy je jettay Zammet partout, auquel je manday que je le priois qu’il se trouvat le lendemain a sept heures cheux Beauvilliers, a la rue de Paradis : et, m’ayant esté donné par madame la princesse de Conty des confitures pour souper, je m’en allay de ce mesme pas cheux Mr le president Jannin, et luy ayant fait les premieres ouvertures de l’occasion quy s’offrit de se restablir puissamment, et que j’avois charge de leur parler
- ↑ Charlotte-Brabantine de Nassau, fille de Guillaume de Nassau, prince d’Orange, et de Charlotte de Bourbon-Montpensier, sa troisième femme ; mariée en 1598 à Claude, seigneur de la Trémoille, duc de Thouars, veuve en 1604, morte en 1631.
