pour recevoir l’honneur de ses commandemens comme courtisans et non autrement, et que seulement Sa Majesté leur voulut dire un mot, apres quoy ils s’en retourneroint ; ce que le roy fit, mais bien brusquement, quy fut : « Messieurs, je m’en vas jouer avesques cette compagnie. » Ils luy firent lors une grande reverence et puis s’en allerent bien estonnés. Mr le cardinal de Rets envoya querir Mr le mareschal de Pralain quy estoit son bon amy, et luy fit des plaintes de moy, disant que je leur avois fait jouer ce tour. Il leur dit que ouy, qu’il en estoit tesmoin et que je n’estoís pas marry qu’ils le sceussent, et que je n’estois pas resolu d’en faire moins a l’avenir ; qu’ils me tenoint sur les rangs[1], et mes amis aussy, quand ils estoint avecques le roy, non pas luy (car sa modestie et mon amitié le divertissoint de le faire), mais Mrs de Vic et de Chomberg ; que de mon costé je ne les espargnerois pas aussy, et que le roy m’avoit dit ce qu’ils luy disoint de moy, dont je n’estois pas gueres en peine, car le roy me connoissoit bien.
Je vis le lendemain Mr le cardinal de Rets et l’asseuray pour son particulier de mon tres humble service ; aussy luy estois je obligé : mais je luy dis franchement que pour les autres, je n’estois pas de leurs amis, et que je voulois bien qu’ils le sceussent. Il desira de me rabienner[2] avec eux ; mais deux choses m’en empescherent, et eux aussy : l’une, que ce soir mesme que monsieur le cardinal m’avoit parlé le matin, arriva la nouvelle de l’extremité de la maladie de Mr le mares-
