Agnoscimus et notum facimus
tenore præsentium universis,
quod cùm nobis Zacharias Chatelain
et Jacobus Wetstein, bibliopolæ
Amstelodami, humillimè
exponi curârint, quem in modum
PETRI BAYLE Dictionarium
Historicum et Criticum in idiomate
gallico, in-folio, denuò
prelo committere resolverint,
vereantur autem, ne æmulorum
individiâ hanc editionem imitantium
impendii et laboris
fructu frustrentur, ideòque nobis
demissè supplicârint, quatenùs
eorum indemnitati succurrere,
et privilegium cæsareum
fratribus Thurneysen, Basileæ in
Helvetiâ bibliopolis, in anno
millesimo septingentesimo vigesimo
sexto impertitum, ab istis
vero præfatis supplicantibus cessum,
prorogare clementissimè
dignaremur : nos submissæ pariter
et æquæ eorum petitioni
annuendum censuerimus : ac
proinde authoritate nostrâ cæsareâ
omnibus et singulis bibliopolis,
bibliopegis, typographis,
et aliis quibuscunque rem librariam
seu negotiationem exercentibus
firmiter inhibemus, vetamus,
et interdicimus, ne quis supranominatum
PETRI BAYLE
Dictionarium Historicum sub
hoc aliove titulo aut formâ per
decem annorum spatium à lapsu
prioris computandum intra sacri
romani imperii, et regnorum
ditionumque nostrarum hæreditariarum
fines recudere, vel aliis
recudendum dare, aliorsumve
impressum apportare, citra præfatorum
impetrantium eorumdemque
hæredum ac successorum
voluntatem et assensum in scriptis
obtentum, ausit vel præsumat :
si quis verò secus faciendo