LA BELLE MAGUELONNE.
mis en servitude d'un prince payen et ennemy de la sainte église qui m'a tenu par force et mauvaise fortune et par l'espace d'un grant temps. Et maintenant quand je cuidoie resjouir mon père et ma mère je suis venu en ce lieu désert, ou il n'y a nul secours ne 5 confort humain, ne pourroie saillir de cestuy lieu pour l'aller chercher, ou pour toute conclusion ne attens si non la mort. Toutesfois, seigneur, puisqu'il vous plaist, j'en suis content de la recevoir en patience, car au moins avec elle finiront toutes mes autres 10 douleurs et ne me poursuivront plus."
Ainsi lamentoit et plouroit le noble Pierre icelle nuit jusques a ce qu'il fust jour. Et quant le jour fut clair il commença d'aller et de vironner l'isle, ad- mirant et regardant en la mer s'il pourroit voir aucune 15 nef ou barque *qui le levast d'iceluy lieu. Mais ne veoit rien qui luy pust donner secours ne aide, ne avoit a manger ne a boire sinon des herbes et de l'eaue de la fontaine. Et en ceste manière demoura Pierre quatre jours, et par faute de manger il devint 20 tant foible et débilité qu'il ne se pouvoit soutenir sur ses pies et se seoit au pié d'une fontaine. Et d'illec prenoit son soustenement de boire, lequel ne luy estoit pas souffisant. Et regardant soy en ceste povre misère et extrême nécessité, abandonna vertu et courage 25 d'homme comme celuy qui est près de la mort, pensant seulement a dieu, en luy priant qu'il eust mercy de
��* f. 162".
87
�� �
