LA BELLE MAGUELOXNE.
Et ainsi comme les serviteurs le viiidoient et adouboient en la cuisine ils lui allèrent trouver de- dans le ventre un cendal rouge ployé et lié en façon d'une pelote. Et quant ils le virent, une des cham- brières le prit et le porta a la contesse et luy dit: 5 „Madame, nous avons trouvé cecy dedans le ventre du poisson". Et la contesse le prit et Falla desployer de sa propre main et y alla trouver ces trois anneaux qu'elle avoit donnés a son fils Pierre quant il se partit d'eux. 10
Et quant elle les eut avisés et les cognut, elle commença a plourer tendrement et en faisant le plus grant dueil du monde, et disoit en ceste manière: ..Helas, seigneur dieu! Or suis je seure que mon fils est mort et suis je hors d'espérance de le jamais voir. 15 0, seigneur dieu ! Quel mal avoit fait ceste innocente créature que les poissons aient mangé sa chair?"
Et quant la contesse crioit ainsi et demenoit si grand dueil le conte va venir, et quant il ouyt la clameur que faisoit la contesse fut fort esbahy et 20 demandoit que c'estoit, et va entrer dedans la chambre de la contesse. Et quant elle *le vit elle luy commença a dire en plourant: „Helas, monseigneur! Une créature irraisonnable et morte qui ne voit, ne ouit et ne sent, nous apporte nouvelles de nostre fils Pierre. Et sont 25 les nouvelles tant tristes que a grant peine le puis dire. Et luy commença a conter comment ils avoient
��73
�� �
