Cette page a été validée par deux contributeurs.
7
v. 146—195
Que crestïen tolir nous cuident.
Ja sont espars par me terre ample.
Sire, par sort et par essample
Me demoustre comment s’en wident.
Si le moustre a ton ami,
Par sort ou par art d’anemy,
S’envers aus me porrai resceurre.
En tel maniere le me di :
Se je doi gaagnier, si ri ;
Et se je doi perdre, si pleure.
au sénéchal
Senescal, que vous est avis ?
Tervagan a plouré et ris.
Chi a mout grant senefianche.
li senescaus
Certes, sire, vous dites voir ;
El rire poés vous avoir
Grant seürté et grant fianche.
li rois au senescal
Senescal, foi que dois Mahom !
Si que tu iés mes liges hom,
Che sort me demoustre et espel.
li senescaus
Sire, foi que je doi vo cors !
S’espielus vous estoit li sors,
Je croi ja ne vous sera bel.
li rois
Senescal, n’aiés pas peür :