Cette page a été validée par deux contributeurs.
14
le jeu de saint nicolas
Biaus dous amis, coi que tu aies,
Tu n’en goutas et si le paies :
J’ai quaernes, le plus mal gieu.
clikés
Honnis soient tout li courlieu ;
Car tous jours sont il a le fuite.
auberons
Biaus ostes, chis vassaus m’acuite ;
Il me dist lait, mais nequedent.
il s’en va
li tavreniers
Va, va, mar vit li piés le dent.
VI. — Auberon,
les amirauxauberons
les amirauxauberons
Mahom saut l’amiral del Coine,
De par le roy, qui sans essoigne
Li mande qu’en s’aïe viegne !
li amiraus del coine
Auberon, che me di au roy :
Je li menrai riche conroi,
N’iert essoigne qui me retiegne.
auberons
Mahom te saut et beneïe,
Riches amiraus d’Orkenie,
Par le roy, qui secours te mande !
li rois au senescal
Auberons, Mahom sauve lui !
