Cette page a été validée par deux contributeurs.
21
v. 425—466
cil d’orkenie
Segneur tüeour, entre vous
Ochirrés les ore si tous
Que vous ne m’en lairés aucun ?
cil d’outre l’arbre sec
Veés ichi le gent haïe.
Li chevalier Mahom, aïe !
Ferés, ferés tout de commun !
Or tuent li Sarrasin tous les crestïens.
li amiraus d’orquenie parole
Segneur baron, acourés tost !
Toutes les merveilles de l’ost
Sont tout gas fors de che caitif.
Vés chi un grant vilain kenu,
S’aoure un mahommet cornu.
Ochirrons le ou prenderons vif ?
cil d’oliferne
N’en ochirrons mie, par foy !
Ains le menrons devant le roy
Pour merveille, che te promet.
Lieve sus, vilain, si t’en vien !
cil du sec arbre
Segneur, or le tenés mout bien,
Et je tenrai le mahommet.
XVII. — L’ange,
le prud’hommeli angeles
le prud’hommeli angeles
A ! chevalier qui chi gisiés,
