Cette page a été validée par deux contributeurs.
23
v. 467—516
XIII. — Les amiraux,
le roi, le sénéchal,
le prud’hommeli amiraus del coine
le roi, le sénéchal,
le prud’hommeli amiraus del coine
Roys, soies plus liés c’onques mais,
Car te guerre avons mis a pais
Par no avoir et par no sens.
Mort sont li larron, li cuivert,
Si que li camp en sont couvert
A quatre lieues en tous sens.
li rois
Segneur, mout m’avés bien servi.
Mais ainc mais tel vilain ne vi
Comme je voi illeuc a destre.
De chele cocue grimuche
Et de che vilain a l’aumuche
Me devisés que che puet estre.
li senescaus
Roys, pour merveilles esgarder
Le t’avons fait tout vif garder.
Or oiés dont il s’entremet :
A genous le trouvai ourant,
A jointes mains et en plourant
Devant sen cornu mahommet.
li rois
Di, va ! vilains, se tu i crois.
li preudom
Oïl, sire, par sainte crois !
Drois est que tous li mons l’aourt.