Cette page a été validée par deux contributeurs.
42
le jeu de saint nicolas
rasoirs
Droit avés, vous li ferés honte.
clikés
Or metés dont cest seur vo conte :
Ensi s’acordent bonne gent.
pincedés
Veus tu jouer a sec argent ?
rasoirs
Oïl, voir.
pincedés
Aussi voeil je, certes.
Ja i ara bourses ouvertes :
Chascuns meche trois les cel bort.
Et qui giet miex, si les emport ;
Je n’i sai riens autre barat,
Et qui deniers n’a, s’en acat.
clikés
A quel jeu ?
pincedés
A quel que tu veus.
clikés
A plus poins ?
pincedés
Soit, si m’aït Diex !
[rasoirs]
Jou giet, Diex le meche en mon preu !
