Pandraſus & ſon frere Anacletus & furent ſes priſonniers. Et par traicte de paix faicte entre eulx les Troycns recouuererent leur liberte & Le mariage de Brutus & de Ygnogen fille du roy Pandraſusfut faict le mariage de Brutus & de Ygnogen fille dudict roy Pandraſus car aultrement Pandraſus euſt eſte mis a mort. Au bien duquel mariage le roy Pandraſus leur donna moult grant nombre de treſors & richeſſes & leur donna entre autres biens troys cens nauires aduitaillez leſquelz Brutus equipa de Troyens a bien grant nombre, car il tendoit a paſſer la mer auec ſes Troyens pour conquerir royaulmes & pays nouueaux.
⸿ Comment Brutus & Ygnogen ſa femme paſſerent la mer & deſcendirent en la riuiere de Loire a ſainct Nazare.
rutus print congie de ſon beau pere
Pandraſus & entra en ſes nauires
auecque ſa femme Ygnogen & ſes
Troyens, miſt de ſes nauires les voilles
au vent, tirant a laduenture par la mer ſur les
parties meridionales & apres quilz eurent
paſſe pluſieurs dangiers & perilz ilz deſcendirent
es parties des Maures ou ilz auitaillerent leurs
nauires des viures dont meſtier auoient. Et
puis ſe miſdrent encores ſur mer a trauers
les collunnes de Hercules & vindrent en la
mer de Tyr & iouxte les riuaiges de la mer
trouuerent quatre generations de gens exillez,
yſſuz de Troye la deſtruicte qui auoient ſuyui
la fuite de Anthenor deſquelz ung nomme Corineus
eſtoit duc & eſtoit homme de tres honorable
facunde, de tres prudent & prouffitable
conſeil, de grant corſaige, plein de vertu & de
audace. Corineus & ſes Troyens ſe ioignirent a BrutusCorineus & ſes gens acompaignerent
Brutus & furent les gens dicelluy Corineus
nommez Cornubiais leſquelz aidoient a Brutus
en tout ce qu’ilz pouoient. Brutus & Corineus
se miſdrent ſur la mer enſemble & ſinglerent
tant qu’ilz vindrent a lentree de la riuiere de
Loire ou a preſent eſt ſainct Nazare, y ficherent
leurs ancres & y furent par vii iours a lancre
puis apres deſcendirent a terre du coſte du
clos de Rais.
⸿ Comment Brutus & Corineus furent combatus par Grofarius roy des Poicteuins & des dix royaulmes des Gaules ſelon aucuns : ou douze ſelon les aultres.
n Acquitaine regnoit lors vng royBrutus & ſes nauires arriverent en loire Grofarius roy de Poitou
nomme Grofarius qui eſtoit Poicteuin
& eſtoit roy dicelle terre. Il fut
aduerti de la venue de Brutus, fi luy
fiſt la guerre, en laquelle guerre y eut pluſieurs
beaux faictz darmes dune part & daultre : mais
Grofarius ny peuſt pas longuement reſiſter &
fut contrainct a ſen fuir plus auant es aultres
parties de Gaule par deuers ſes parens & aliez.
Et eſt aſſauoir que pour lors y auoit es parties
Es Gaules y auoit lors dix ou douze royaumes.de Gaule dix royaulmes ſelon Vincent ou douze
ſelon la Martiniane. Chacun roy auoit ſon
royaulme a part. En ceſte conqueſte Brutus
recouura pluſieurs richeſſes dont il diſtribua
partie a ceulx de ſa compagnie & le ſurplus
miſt en ſes nauires & bruſla tout le pays de
Poictou villes & maiſons.
⸿ Comment Brutus tira ſon armee cinquante lieues long la riuiere de Loyre : & y fiſt faire ung fort chaſteau quil nomma Tours.
uant Brutus eut paracheue de gaſter
le pais d’Aquitaine & de Poictou il
tira ſon armee par terre contremont
la riuiere de Loire enuiron cent dix
mil pas & auoit Brutus en ſa compaignee
vng ſien nepueu nomme Turnus qui eſtoit moult
preux & hardi. Trouuerent ſur la riuiere ung
lieu qui leur ſembla moult conuenable pour eulx
fortifier : car ilz craiguoient que Grofarius ſe
feuſt ralie, comme il fiſt, auec les aultres princes
ſes voiſins & parens pour courir ſus a Brutus,
& pour tenir ſon camp Brutus fiſt en ce lieu
vng fort chaſteau quil fiſt fortifier moult grandement.
⸿ De la mort de Turnus nepueu de Brutus & comme le chaſteau ou il fut mis en terre fut appelle Tours.
