Bretons auoient une nuyt appoſe leurs eſchelles contre le Capitolle, cuidans par ſurprinſe y entrer a lheure que le guet de la place dormoit, ilz euſſent eſte ſurprins ſe neuſt eſte les oayes que lon auoit retirees dedans le Capitolle leſquelles firent ſi hault cry que Manlius Torquatus qui chef eſtoit de ceulx qui la place gardoient, ſeſueilla & tellement reſiſta contre les Bretons & Sennoys qui preſtz eſtoient dentrer en la place quil les fiſl precipiter du hault de la place dedens les foſſez. Et dit Yſidore en ce paſſaige, quil neſt beſte au monde qui ſi promptement ſente lodeur de lhomme que fait loaye & en blaſmant la ydolatrie des Rommains qui toute leur confiance auoient en leur dieu Iupiter diſt : Vous, Rommains, recongnoiſſez les grans benefices que les oayes vous ont faiz, car par elles vous eſtes encores regnans. Voſtre dieu Iupiter dormoit, lequel vous deuoit garder par voſtre folle credence & les oayes vcilloîcnt qui ont garde que voz dieux & vous nauez eſte ſurprins : a celle cauſe vous auez plus matiere de ſacrifier aux oayes que a Iupiter. Delaiſſes le lieu & lhonneur de deite aux oayes & plus ne ſacrifiez a voz dieux : car par les oayes ilz ont eſte deffenduz & gardez deſtre prins de leurs ennemis : & vous ſemblablement. Et recite Vatere, que ceux de dedens le Capitolle combien que viures leur deffailliſſent, pour ce que ceulx qui tenoient le ſiege veoient bien que ilz ne pouoient auoir la place ſinon par les affamer, ceulx de la place gecterent aux foſſes par deſſus les murs grant foifon de pain de toutes pars parquoy Brennus & Belinus qui teudoîent a les affamer, cuidans que trop difficile chofe feroït a cplx puis que tant encorcs auoient de viures, confentirent a prendre a renfon ceulx qui dedans la place eftoient. Et, comme recite Oroſe, moiennant mil liures dor quilz paierent a ceulx qui le ſiege tenoient auecques la promeſſe de continuer le tribut annuel qui promis auoit eſte par le premier traicte faict deuant Tuſcie, fut le ſiege leue de deuant le Capitolle. Ceſte deconfiture fut ſelon Euſebe lan xvii du regne de Artaxerſes Mennon roy de Perfe qui fut quatre cens quinze ans parauant laduenement de Noſtre Seigneur.
Apres cette defconfiture les Rommains voians la deſolacion de leur cite, furent en deliberacion, comme a eſcript Oroſe, de habandonner le lieu ou la ville de Romme eſtoit, par ce quelle auoit eſte ainſi deſtruicte. Et voulurent aller aultre part aſſeoir leur ſiege & leur cite, & la nommer dautre nom, pour la malédiction qui leur eſtoit aduenue : voiez Vincent ou quatrieſme liure vingt quatrieſme chapiſtre de ſes hiſtoires : & ſe plus auant voulez veoir des oeuurcs & proeſſes cheualereuſes de Brennus, ce quil fiſt en Grece contre Soſtenes, comment il fut par ſon dieu Àppollin abuſe, & de la renommee qui fut en Macedone & en toutes les aultres parties orientalles de luy & des gens de la nacion de Gaulle, voyes Iuſtin & auſſi Vincent au ſixieſme liure xxe, xxie, xxiie chapiſtre de ſon ſpecule hiſtorial, & vous troueres que pour lors les roys des parties dOrientne faiſoient aucune guerre ſans ceulx de Gaulle car le nom des Gaulles pour la vertueuſe doctrine & conduiete de ces deux roys bretons, eſtoit de renommee ſi tres extimee que prince quelconque ne ſauoit, ne pouoit deffendre ſon pays : & ſi lauoit perdu, ne le pouoit, ne le fcauoit rauoir ne recouurer ſans la vertu gallicane : & de ceſte excellente renommee & publicque fame le vertueux Breton Brennus, duc & conducteur des gens dicelle Gaulle, que lon appelloit Galli Senones, a eſte cauſe pour ſa prudente cheualerie.
Comment apres la victoire de Belinus & Brennus, Belinus partit de Romme pour retourner en Bretaigne & comment Camiſius Furus Rommain pilla Brennus & lui oſta le butin quil emportoit.
r pour retourner a noſtre premier
propos, apres que les Rommains
eurent eſte receuz a rençon auecques
ſes Bretons, print congie de ſon
frere Belinus & ſen retourna delibere de retourner
en ſon royaulme de Bretaigne mais
Brennus ſon frere demoura encores quelque
eſpace de temps enuiron Romme, pour diſtribuer
les treſors & richeſſes de Romme que
luy & ſes Senoys auoient rauies ; & icelles de-
