Page:Bouchart - Les grandes croniques de Bretaigne composées en 1514.djvu/9

Cy commence le Premier Liure de ceſte Cronique.

⸿ En quelz temps les quatre principalles monarchies du monde prindrent leurs commencemens.

Les anciennes hiſtoires nous recitent que entre les principaultez du monde y a eu quatre monarchies empires ou royaulmes qui ont eſte en leurs temps exaulcez & grans par ſur toutes aultres ſeigneuries. La ſituacion des quatre principalles monarchies de la terre du temps de leur commencement.Et furent aſſiz es quatre principalles parties de la terre. Ceſtaſſauoir, Babilonne es parties orientalles, qui eſt ſelon ſainf Hieroſme la principalle cite des Caldeens & des Aſſyriens. Et fut ce regne commence vers la fin de la seconde eage qui lors finiſſoit le regne de Nynus. Et dura ce regne xi cens lxiii ans & iuſques a la fin du vicieux & lubricque Sardanapalus que Arbatus roy des Medes deſtruiſit. Et ny a en ce lieu de Babilonne a prefent que des cerfz & beſtes monſtrueuſes. Et en la meſme annee que ce royaulme & monarchie de Babilonne fut deſtruicte par Arbatus, Romme commenca a eſtre fondee & edifiee. Puis apres auons Cartaige es parties meridionales qui print ſon commencement au temps que les iuges gouuernoient le peuple d Iſrael & que Tholas iuge regnoit & iugeoit le peuple d Iſrael en Samir, lan de la iii^e eage

viilxxv, MacedoneMacedone. es parties ſeptentrionalles qui print ſon commencement de Alexandre le grant au temps des Machabees qui fut lan de la v^e eage ii cens cinquantieſme, & RommeRomme. es parties occidentalles qui print ſon commencement de Romulus, qui fut au temps de Ezechias roy de Iudee l’an iicxxii de la iiii^e eage. De ces quatre empires ou royaulmes, les deuxieſme & troiſieſme ont eſte les moindres & de plus brieue duree, & les premier & iiii^e ont eſte les plus grans tant de puiſſance que de duree.

⸿ De la premiere fondacion de Troye // en quel temps elle fut deſtruicte // de la naiſſance de Brutus premier Breton // comme il tua ſon pere & ſa mere & comme les Troyens le firent leur duc.

Au temps que Saturne vint de Crete en Italie ou ia auoit regne, Janus ſeul roy, que fut ſelon Euſebe lan vic cinquantieſme de la tierce eage, La premiere fondacion de Troye par Tros roy de Dardanie.Tros roy de Dardanie fonda en Aſie vne cite de merueilleux edifice quil appella Troye. En ceſte cite Tros regna par quelque temps & apres luy Laomedon ſon filz. Laomedon fut tue & delaiſſa filz & fille. Et fut Troye deſtruite au temps de Laomedon. Priam fut ſon