Vasaument se desfendent contre la baronie ;
Jeitent pieres et paus et pois chaude et bolie[1]
Et ruerent les fus dont la vile iert garnie.
Tant en vont ociant, n’est qui le nombre en die.
Li dus se traist arriere enmi la praerie,
Fist soner la retraite, sa gent est resortie,
Et jure Dam le Deu, le fil sainte Marie,
Jamais n’en partira en trestote sa vie,
Si aura ceus dedans[2] et la cité bruie,
Mais, je cuit, sa parole i sera desmentie,[3]
Que Charles l’empereres et sa gent la garnie
Si vienent et chevauchent à force, à ost banie.
Auvergnas, Berruier[4] et cil de Normendie,
Flamenc et Engevin ne se targerent[5] mie.
.i. mesages lor conte com l’uevre fu bastie
Et com vint li dus Bues à la terre essillie
Ei com li dus Girars li refu en aïe,[6]
Et [li] dus de Nantuel lor[7] i fist compaignie.
Et quant li rois l’oï, à haute vois s’escrie :
« Baron, car chevauchies, ne vos atargies mie. »
Adonc sonent les cors et la grant taborie,
Que on oïst la noise d’une liue et demie.
Dans Richars li Normens à la chere hardie
Et Ogiers li Danois qui mains ne valoit mie,
Conduient l’avangarde, car li rois moit s’i fie.
Ventelent cil peignon, mainte ensaigne i balie,[8]
Chevauchent par la plaigne qu’est gaste et enhermie.
Girars de Rosillon en oï la bondie ;
Il a dit as barons : « Ne vos esmaies mie,
- ↑ 1099 Ce vers est placé après 1096 dans BC qui altèrent tout ce passage.
- ↑ 1106 B auera chiaus dedens. C ara caus dedenz.
- ↑ 1107 BC en sera.
- ↑ 1110 BC Lombart et Berruier.
- ↑ 1111 BC s’atargièrent.
- ↑ 1114 B Gerart son frere a en aïe. C Girars son frere a en baillie.
- ↑ 1115 L. lor. BC Doon. Après ce vers BC mentionnent Aymes : Et Aime de Dordone à le barbe florie. C Et le duc de Dordone cui Jhesus beneïe.
- ↑ 1123 B Mains penons y ventele où l’enseigne balie. C Ventelent les enseignes où li pignon balie.
