Et les cers et les bices berser et archoier.
D’une part li cort Muese qui molt fait à prissier,[1]
Où on prent les samons, quant on i veut pescier ;
D’autre part est la roche, on n’i puet aprochier.
« Hé Dex ! dist l’empereres, qui tot as à jugier,
Ainc mais en si for[t] liu ne vi chastel drecier,[2]
Com sevent cist lor guerre fornir et esploitier. »
Il a dit à ses homes : « Or penses de logier,
Par le mien essientre, tart iert li repairier. »
L’empereres descent del palefroi corsier ;
Ogiers et li dus Naimes li corent à l’estrier.
« Baron, dist l’empereres, or vos weil jou proier.
Faites moi toute l’ost desor l’eve logier.
Chascuns tende son tref et penst de herbergier.
Tot ordonéement les me faites logier.
Mon tref me faites tendre desos .i. olivier. »
« Sire, ce dist dus Naimes, bien fait à otroier. »
Dont veïssies en l’ost destrosser maint somier,
Paveillons et aucubes et maint tref desploier.
Ils se tendent sor Muese por eus mios aaisier.
Le tref le roi ont fait enmi le pré ficier ;
Li pumiaus par deseure fist forment à prisier ;
.i. escharbocle i ot que li rois ot molt cier.
Quant li os fu logiée enmi le pré plenier,
L’empereres apele Naimon son conseillier :
« Faites crier par l’ost qu’il n’i ait chevalier
Qui desi à .vii. jors mont desor son destrier,
Se ce n’est por son cors aler esbanoier.
Ençois que le chastel weille faire empirier,
Ferai as païsans de la terre noncier
Que la vitaille aportent, charretes et somier.
Or faites ma chapele deles le tré drecier.
Là proierons Jhesus qui tot a à jugier,
Qu’il nos puist de Renaut le fis Aimon vengier.
Page:Castets - La Chanson des quatre fils Aymon, 1909.djvu/353
Cette page a été validée par deux contributeurs.
341
les quatre fils aymon
