Page:Castets - La Chanson des quatre fils Aymon, 1909.djvu/402

390

les quatre fils aymon

Et s’il ne vos retient, autre consel prendes.
Droitement à Tolose vostre cemin tenes,
Beges li Sarrasins est molt preus et senés ;
Il est par droite force en cest roiaume entrés.
3715De la tter[e]^[1] à cest roi a il conquis asses
Tolose et Monpellier et Saint Gille deles
Biaucaire et Avignon et Albe^[2] sor les gues.
Encor conquerra plus, ains k’i soit retornés.
Cele part irois vos, se n’estes arestés. »
3720« Cosin, ce dist Renaus, bon consel me dones.
Si voloie jo faire, tel estoit mes penses.
Mais or sera il miels, puisque vos le voles. »
.l. chevaliers a Renaus apelés.
M 99« Baron, ce dist li [quens]^[3], car vos en aprestes. »
3725 Et cil li respondirent : « Si com vos commandes. »^[4]
Tost et isnelement es les vos conreés ;
Cauces ont de brun [paile], et esperons dorés ;
De mantex vairs et gris fu cascuns afublés.
Sor un destrier d’Espaigne en est Renaus montés
3730Et Maugis li cortois ne s’est aseürés ;
Il monta sor le noir ki molt ere abrievés.
.l. chevaliers en a Renaus menés ;
Unques ne s’aresterent, si vi[nrent] as degres ;
Renaus est descendus, si est amont montés.
3735[Richars et Aalars et Guichars] li menbrés
El palais [sunt]^[5] venus, es les vos arestés.
Li rois Yus de Gascoigne ert en sa cambre entrés ;^[6]
A un consel estot dont molt ert esgarés.
Li Senescaus le roi s’en est en piés levés
3740Et a dit [à] Renaut^[7] : « Biax sire, avant venes.
Vos aves compaignons, par ce dois vos sees. »

1. 3715 L tier. A P terre.
2. 3717 A Alez. P Acre. C’est sans doute Arles.
3. 3724 L li ques.
4. 3725 L Richiers et Allars et Guicars.
5. 3736 L est.
6. 3737 Ici B concorde de nouveau avec L, sauf que Ys est dit Yves. De là l’italien Ivone.
7. 3740 L dit Renaut. B dit à Renaut.