Des fix au [viel][1] Aymon, ki m’ont fait tel otrage ?
Il m’ocistrent mon fil dont je ai grant damage.[2]
De la terre de France les caçai fors [par][3] rage.
Ens el cief de Terasse pristrent [lor][4] herbergage.
Jes jetai [del][5] païs et de tot le boscage.
Unques n’em — poi un prendre à cors ne au pasage.
Del rene les jetai, où il eurent damage.
Ens el [cuer][6] de Gascogne ont fait .i. herbergage.
Rois Yus lor a fait faire castiel et heritage ;
Renaus a sa seror, jostés [s’][7] est au linage.
[Nous l’iron asegier à l’entrer de l’estage.] »[8]
Li grant et li petit disent que il [se rage].[9]
Charles, nostre emperere, a apelé Naimlon
Et Ogier le Danois et le conte Widelon :
« Segnor, dist l’emperere, por Deu, quel le feron ? »
« Sire, ce dist dus Naimes, foi que doi saint Simon,
Se vos nos voles croire, bon consel vos donron.
Jusque ci à un an cest siege laiseron,
Dont erent reposé vo [per][10] et vo baron,
Ki de vo mortel guerre ont esté en tençon ! »
Qant l’entent l’emperere, si taint comme carbon.
Atant es un vallet descendu au peron ;
O lui .xxx. danziax de molt jante façon ;
N’i a celui ki ait ne barbe ne guernon.
Cascuns a vestu [paile][11] ou vermel siglaton.
Li valles ot vestu .i. hermin peliçon ;
Si ot hueses d’Aufrique, d’or sunt si esporon.
- ↑ 4488 Ms vil. M viel.
- ↑ 4489 L fil. Trace de la légende primitive où les Fils Aymon sont accusés de la mort du fils du roi, Looïs. On l’a rencontrée déjà dans l’épisode des Ardennes. Les autres mss. visent ici la mort de Bertolais.
- ↑ 4490 Ms. fors la rage.
- ↑ 4491 A B lor. Manque à L.
- ↑ 4492 Ms. de païs. A je les gettai d’Ardanne.
- ↑ 4496 Ms. ceuer. Michelant confond dans sa note ce vers et le vers 4491
- ↑ 4497 Ms. c’est. B est.
- ↑ 4498 Sic M. Metz : de l’herbage ; manque à L. B il me vient à corage.
- ↑ 4499 Sic Metz. M dient qu’il se targe. L strage.
- ↑ 4506 Ms. pe.
- ↑ 4512 Ms. palie. Je suis l’orth. de Michelant, mais sans nécessité.
