Page:Castets - La Chanson des quatre fils Aymon, 1909.djvu/475

447

les quatre fils aymon

Che fu à une feste saint Johan le baron
Que Charles tint grant cort à Paris sa maison,
Et] menda en conduit le duc Buef d’Aigremon
El conduit Charlemaigne fu tués à bandon,
5905Puis en dura la guerre longement, ce savom.
Girars le guerroia, li dus de Rosillon,
Et dans Do de Nantueil par fiere contençon ;
Kar il estoient frere, que de fi le set on.
Il desconfirent Charle, lui et ses compaignons ;
5910S’en estora Saint Pere de Cluigni le baron
Et puis la Charité et Verzelai selonc,
Saint Beneoit sur Loire, là où si moine sont.
Tel honor i fist [Dex por Girart et Doon]^[1]
Que acordé se furent en .i. jor à Charlon
5915Et trestout lor parages, fors tant que lor nevou
Qui estoient adonques bacheler et guiton.
Onques ne volrent querre lui acordisson.
Renaus le haoit molt de vielle gorgueçon ;^[2]
Por çou tua il puis Bertolai le baron,
5920A Paris, en la sale, devant le roi Charlon,
D’un eschekier d’argent, par tel devision^[3]
C’onques puis ne pot estre trovés ens el roion.^[4]
Ne sai que vos celasse ne por coi mentisson.
Delivres Charlemaigne les .iiii. fils Aymon ;
M 157 5925Car, se vos si nel faites, mors estes à bandon. »

Li dus de Monbandel a apres lui parlé,
Et dist au roi Yon : « Cestui pas ne crees ;
En fin vos veut honir qui ce vos a loé.
Quant Renaus vint à vos, de seignor esgarés,
5930Certes il n’i vint mie povrement atornés,
Ains avoit avec lui .cccc. adobés.^[5]
Ses pires escuiers iert de gris afublés.^[6]

1. 5913 Sic Metz. L Charles à lui et au baron.
2. 5918 Metz : gorgenchon.
3. 5921 Metz : tablier à
4. 5922 Metz : Qu’il l’esmia trestot ausi com .i. moton.
5. 5931 Ce vers a été omis par Michelant.
6. 5932 Metz : Ses mandres esquiers.