Page:Castets - La Chanson des quatre fils Aymon, 1909.djvu/552

524

les quatre fils aymon

Ne jo ne lor aidai, ne jo ne lor nuisi,
Ançois me trais ariere, ses laisai convenir ;
Si esgardai le duel de me[s] proçains cousins.^[1]
Or vos ai reconté tot çou que jou i fis,^[2]
8215Mais par le foi que doi monsegnor saint Denis,
Se jou jamais veoie où fusent entrep[r]is,^[3]
Se jou .c. fois l’avoie et juré et plevi,
Jo ne lairois mie, por la teste à tolir,
Que jou ne lor aidase ; par verté le vo di.^[4]
8220Jamais ne lor faudrai, por tant que soie vis ;
Ains aiderai Renaut à dis .m. fervestis.
Bien me doit tot li mons et blamer et honnir,^[5]
Qant onques me[s] neveus à tel besoin fali.^[6]
Mais par ice seignor ki de mor surexi,^[7]
M 217 8225A mes cousins germains ne faudrai mais isi.
Trop s’est ore Rollans, vostre niés, aatis
Des cols de la batalle contre moi à ferir.^[8]
Mais s’i veoit Renaut sor Baiart l’arabi,
S’eüst l’espée traite, l’escu devant son pis,
8230Certes, ne l’atendroit por tot l’or que Dex fist. »
Comme Rollans l’oï, s’en fu engramoïs.^[9]
« Ogier, ce dist Rollans, trop estes de grant dis,
Trop le metes avant, trop le faites hardi.
Mais je pri cet Segnor ki de Virgene naski,^[10]
8235K’i le me laist trover sor Baiart l’arabi,
Tot ensi atorné que vos aves dit ci. »^[11]
Si fera il sans fal, ja n’en sera desdis.
Unques nule proiere si bien n’en averti ;^[12]

1. 8213 L desme.
2. 8214 M je conté tout chen que je en fis.
3. 8216 L. entrepis.
4. 8219 M chen sachiez, vous deffi.
5. 8222 M le monde et blasmer et laidir.
6. 8223 L me.
7. 8224 M qui de vierge nasqui.
8. 8227 M s’il.
9. 8231M si en fu amuïs.
10. 8234 M répète qui de vierge nasqui. Virgene pour virgine doit être lui vierge.
11. 8236 M sans faille.
12. 8238 M averi.